Atxiloketak

Asteartean albiste txar batekin jaiki ginen: Itxaso eta Tximas atxilotu zituzten; Vista Alegreko auzoa Guardia Zibilak hartuta zuen, Ziburun ere Gendarmeak ari ziren miaketetan… Momentu hartan izan ziren egonezina eta ezina, eta, eguna aurrera joan ahala, larritasun hori harridura eta haserre bilakatzen joan zen, atxiloketari buruzko informazio jasotzen genuen heinean. Albistegiak eta titularrak bete dituzte telebistan, irratian eta prentsan, baina badugu sentsazio bat hedabideetan azaldu dituzten bi pertsona horiek ez ditugula ezagutzen. Propaganda politikoa martxan jarri da, eta horrek ez du barkatzen. Guk, hala ere, ez diogu horri sinesgarritasunik ematen. Izan ere, atxilotu berri dituztenek azken urteotan gurekin batera lanean jardun dira. Hor egon dira asanbladetan, beraiekin batera eztabaidatu eta hartu ditugu erabakiak; gure ondoan egon dira kalera atera garenean; batera ibili gara baita parrandan ere… Bi lagun horien lanak eragin nabarmena izan du gaur egun Zarautzen ditugun hainbat espaziotan: Gaztetxean, Gazte Asanblada, Arraio Irratian eta Txosnetan esaterako. Komunikabideek jada epaitu eta kondenatu dituzte; jende askok ere sinetsi ditu haiei buruz esan direnak. Guretzat, ordea, gure aldamenean lanean jardun diren bi lagun horiek izaten jarraitzen dute, eta gertatzen denak ez du haietaz dugun iritzia aldatuko. Horregatik, besarkada bat bidaltzen diegu Itxasori eta Tximasi, baita beraien senitarteko eta lagun guztiei ere.

 

Sinatzaileak: Putzuzulo Gaztetxea, Zarauzko Gazte Asanblada, Arraio Irratia, Zarauzko Gazte Independentistak, Zarauzko Bilgune Feminista, Gurekin Jai Batzordea, Zarauzko Sorginak, Zaratazarautzeko musika taldeak, Bina-bina antzerkia.

Post hau Uncategorized atalean publikatu zen. Gogokoetara gehitzeko lotura iraunkorra.

Utzi erantzun bat

Fill in your details below or click an icon to log in:

WordPress.com Logo

You are commenting using your WordPress.com account. Log Out / Aldatu )

Twitter picture

You are commenting using your Twitter account. Log Out / Aldatu )

Facebook photo

You are commenting using your Facebook account. Log Out / Aldatu )

Google+ photo

You are commenting using your Google+ account. Log Out / Aldatu )

Connecting to %s